3 İŞİD-çi qadın paltarında yaxalandı

Makiyaj və geyim onlara kömək etməyib.

Ölkə.Az "Anadoluhaber"ə istinadən xəbər verir ki, İraq ordu qüvvələri növbəti dəfə qadın paltarı geyinən İŞİD yaraqlılarını tutduğunu açıqlayıb.

Bildirilir ki, İraqın Diyala bölgəsindəki təhlükəsizlik qüvvələrinin əməkdaşları İŞİD üzvlərinin şəhərə keçməsinin qarşısını almağa müvəffəq olublar. Makiyaj edən və qadın paltarları geyinən İŞİD-çilər İraqın Diyalə bölgəsinə keçmək istəyiblər.

Bölüyün komandiri Sadıq əl-Hüseyni Səlahəddin əyalətinin şimal-şərqində yerləşən Telal Hamrin nəzarət məntəqəsində 3 İŞİD yaraqlısını qadın geyimində nəzarətə götürdüklərini açıqlayıb.

Xatırladaq ki, bu il martın ortalarında mediada İŞİD döyüşçüləri ilə bağlı yeni video yayımlanmışdı. İraqın şimalında bəzi İŞİD döyüşçüləri qadın paltarları geyinərək təşkilatdan qaçmaq istəyiblər. İddialara görə həmin döyüşçülər İraq ordusunun əsgərləri tərəfindən tutulub. İŞİD üzvləri tərəfindən qaçarkən yaxalanan döyüşçülər isə edam edilib.

Rəşid Mustafazadə

Ölkə.Az