Bakıda quldurluq edən dəstə tutuldu

Bakıda quldurluq hadisəsi baş verib

Bakı şəhər Baş Polis İdarəsindən verilən məlumata görə, oktyabrın 8-i saat 16 radələrində naməlum şəxslər Səngəçal qəsəbəsi ərazisində Namiq Mirağayevi döyərək, 570 manat pulunu, 2 ədəd mobil telefonunu və avtomobilinin açarlarını götürərək qaçıblar.

Şikayət əsasında Qaradağ rayon Polis İdarəsinin 11-ci polis bölməsinin əməkdaşları əməliyyat keçirib.

Keçirilən əməliyyat tədbirləri nəticəsində, hadisəni törətməkdə şübhəli bilinən Bakı şəhər sakinləri - Tural Talıblı, Səyyad Mirzəyev, Seymur Zalov və Ülkər Quliyeva tutulublar.

Faktla bağl araşdırma aparılır./Anspress/

Ölkə.Az