"Yəqin yekə burnumuza görə bizi heç kəs sevmir"

"Fikirləşirlər ki, bunlar çox bahalı həyat sürür, sevsələr qarşılığını ala bilməyəcəklər"

"Biz oğlan tipajlı qızlarıq"

Əkiz bacılar sevgisizlikdən şikayətləndilər.

Müğənni Sevil-Sevinc bacıları "Region TV"də yayımlanan “Şou məkan” verilişinə eksklüziv açıqlamalar veriblər:

Əkiz bacılar şəxsi həyatları haqda bunları söyləyiblər: “Bəlkə də göz önündə olduğumuz üçün sevgilimiz yoxdur. Yəqin fikirləşirlər ki, bunlar çox bahalı həyat sürür, əlçatmazdırlar. Yekəburun olduğumuz vaxtlar fikirləşirdik ki, yəqin yekə burnumuza görə bizi heç kəs sevmir. Yəqin o qədər məşhur deyilik deyə bizi sevən yoxdur. Burnumuzun kəsiləcəyi günə az qalanda fikirləşdik ki, bu gündən həyatımız dəyişdi. Elə bilirdik ki, burnumuz kəsiləndən sonra elçilər qapıya düzüləcək. Sonra gördük ki, o qədər effektli olmadı burnumuzun kəsilməyi. Ardınca veriliş gəldi, dedik ki, artıq daha populyarıq, nəsə alınacaq. Öndəyik, üzdəyik deyə fikirləşirlər ki, əlçatmaz insanlarıq onlar üçün. Düşünürlər ki, sevsələr qarşılığını almayacaqlar. Ətrafımızda da demək olar ki, heç kəs yoxdur. Barmaqla sayılacaq insanlar var ətrafımızda, onlara da ancaq dost kimi etibar edə bilirik. Bizim bir xüsusiyyətimiz var, biz oğlan tipajlı qızlarıq”

Müğənni bacılar yeni yaradıcılıq işlərindən də danışıblar: “Yeni klipimizin çəkilişinin yarısı Dubayda oldu, belə pis çıxmasın. Digər hissəsi isə Bakıda çəkildi. Biz klipi çox bəyəndik”.(Region TV)

Ölkə.Az