Məşhurlar onun üçün oxudular

Müğənni Elnarə Xəlilova xeyriyyə aksiyası təşkil edib.

Ölkə.Az-ın məlumatına görə, sənətçi böyrək çatışmazlığından əziyyət çəkən Nicat Paşayevə yardım etmək üçün həmkarlarını başına toplayıb.

Xeyriyyə tədbiri və konsert aprelin 18-i və 19-da “Metro Park AVM”də reallaşıb. Şəhriyar Əbilov və Seyran Babayevin aparıcılığı ilə keçən tədbirdə əməkdar artistlər Lalə Məmmədova, Nüşabə Ələsgərli, eləcə də Eldaniz Məmmədov, Samirə Allahverdiyeva, Xuraman Şuşalı, Namiq Qaraçuxurlu, Xatirə İslam, Ayan Babakişiyeva, Elgün Hüseynov, Könül Şıxəliyeva, Zemfira İbrahimova, Samin Dəniz, Tofiq ismayılzadə, Ruslan Alışanov, “Dostlar” qrupu, rəqqasə Fatimə, rəqqaslar İlham Kərimli, Etibar Məmmədov, Aysel Əliyeva çıxış edib.

Xatırladaq ki, Nicatın əməliyyatı üçün 50 min manat vəsait lazımdır. Xeyriyyə tədbirindən yığılan vəsait Nicatın əməliyyatı üçün sərf ediləcək. Müğənni hər kəsi ailənin yeganə övladı olan 22 yaşlı Nicata kömək etməyə səsləyib.

İntiqam VALEHOĞLU
Ölkə.Az