Öldürüldüyü deyilən İŞİD ideoloqu sağdır

Hər kəs onun öldüyünü deyirdi.

Ölkə.Az xəbər verir ki, İraqın mərhum lideri Səddam Hüseynin sağ qolu və İŞİD terror təşkilatının ideoloqlarından olan İzzət İbrahim Əl-Durinin öldüyü xəbəri təkzib olunub.

Durinin adamları tərəfindən yayılan məlumata görə, Əl-Durinin böyük bir vasvasılıqla qorunur.

"İşğalçıların 12 ildə edə bilmədiyini özünü tanımayan iki soyğunçumu edəcək? Hər aldıqları böyük zərbədən sonra bu cür xəbərlər etmələri yalnız nə qədər aciz və gücsüz olduqlarını göstərir", - deyə İŞİD üzvləri bildiriblər.

Xatırladaq ki, aprelin 17-i İraqın keçmiş prezidenti Səddam Hüseynin köməkçisi, sabiq vitse-prezident İzzet İbrahim əl-Durinin öldürüldüyü iddia edilib.

İraqın Səlahəddin vilayətinin valisi Raid əl-Bazar Səddam Hüseynin köməkçisi İzzet İbrahim əl-Durinin Tikrit şəhərinin şərqində "Həşd-Şabi" ordusunun İŞİD-ə qarşı həyata keçirdiyi əməliyyatlar nəticəsində Səlahəddin vilayətinin Həmrin rayonunda öldürüldüyü deyilib.

Rəşid Mustafazadə

Ölkə.Az