Həbsxanadan yenicə çıxmışdı, yenidən tutuldu-GÖRÜN NƏYİN ÜSTÜNDƏ-TƏFƏRRÜAT

"Ölkə.Az" xəbər verir ki, hadisə ötən il iyunun 24-də Binəqədi rayonu, Ağamalıyev küçəsi, 6 saylı binanın qarşısında baş verib.

Kamran Abdullayevin bud nahiyəsinə bir bıçaq xəsarəti yetirilib. O, Kliniki Tibbi Mərkəzə çatdırılan zaman çoxlu qan itirdiyindən dünyasını dəyişib.

Araşdırmalar zamanı qətli daha əvvəl oğurluğa və avtomobil qaçırmağa görə məhkum olunan 22 yaşlı Pərvin Çərkəzovun törətdiyi məlum olub.

Pərviz Çərkəzov 2019-cu il mayın 3-də çəzasının sonu ilə əlaqədar azad edilib.

Cinayəti törətməkdə şübhəli bilinən P.Çərkəzov polis əməkdaşları tərəfindən saxlanılıb.

İş üzrə dindirilən Pərviz Çərkəzov ifadəsində bildirib ki, iyulun 23-də dostu ilə görüşüb və onunla spirtli içki qəbul ediblər. Sonra isə dostunun evinə gediblər. Gecə saat 3 radələrində siqaret almaq üçün küçəyə çıxıblar. Bir qədər irəlidə bir qızla oğlanın dayandığını görüblər. " Kamrana yaxınlaşdıb, ondan buralarda mağazanın olub-olmadığını soruşdum. Bu vaxt Kamran söyüş söyüb qarnima təpiklə vurdu. Mən arxası üstə yerə yıxıldım".

Pərviz Çərkəzov daha sonra ifadəsində bildirib ki, ona hədiyyə verilən bıçaqı çıxarıb, özünü qorumaq üçün sağ və sol istiqamətdə yelləyib. "Qaranlıq idi bıçaq onun harasına dəyib görməmişəm. Yanındakı qız qışqırıb səs-küy salandan sonra oradan qaçdım. Səhərsi gün polis əməkdaşları tərəfindən onun öldüyünü eşitdim". 

Məhkəmə prosesində Pərviz Çərkəzov özünü qismən təqsirli bilib.

Zərərçəkmiş şəxsin hüquqi varisi təqsirləndirilən şəxsə ağır cəza verilməsini xahiş edib. 

Məhkəmə nəticəyə gəlib ki, Çərkəzov cinayət məcəlləsinin 120.1-ci (qəsdən adam öldürmə) maddəsi ilə təqsirli bilinib cəzalandırılmalıdı.

Sonda məhkəmənin hökmü ilə Pərviz Çərkəzov cəzasını ciddi rejimli cəzaçəkmə müəssəsində çəkməklə 14 il müddətinə azadlıqdan məhrum edilib.

Ölkə.Az