Somalidə terakt baş verdi

Moqadişoda restoranda partlayış qeydə alınıb.

Ölkə.Az "Rosbalt" agentliyinə istinadən xəbər verir ki, Somalinin paytaxtında restoranda partlayış nəticəsində ən azı 10 nəfər həlak olub.

Kamikadze minalanmış avtomobili restoran binasının üzərinə sürüb. Polisdən bildirilib ki, ölənlərin sayı arta bilər. Qurbanlar arasında terrorçunu dayandırmaq üçün atəş açan polis də olub. Terakta görə məsuliyyəti heç bir təşkilat öz üzərinə götürməyib.

Qeyd edək ki, Somali ərazisində beynəlxalq "Əl-Qaidə" terror təşkilatı ilə sıx əlaqələri olan "Əş-Şabab" ("Gənc mücahidlər hərəkatı") radikal qruplaşması fəaliyyət göstərir.

Rəşid Mustafazadə

Ölkə.Az