Yəməndə 944 nəfər dünyasını dəyişib

BMT: Yəməndə 944 nəfər ölüb.

Ölkə.Az "Agence France-Presse"a istinadən xəbər verir ki, Yəməndə martın sonundan, yəni münaqişənin başlamasından etibarən 944 nəfər həlak olub.

Bu barədə məlumat Beynəlxalq Səhiyyə Təşkilatının bəyanatında yer alıb. Qeyd olunur ki, münaqişə zamanı 3,5 min nəfrə yaralanıb.

Bir müddət öncə BMT baş katibi Pan Gi Mun ilk dəfə olaraq Yəməndə münaqişə tərəflərini atəşkəşə çağırıb. Onun sözlərinə görə, Yəmən Orta Şərqin ən yoxsul ölkələrindən biridir və münaqişədən əvvəl də dərin böhranda olub. Baş katib qeyd edib ki, silahlı qarşıdurmalar vəziyyəti daha da pisləşdirəcək.

Xatırladaq ki, Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az