Azərbaycanı gözəllik müsabiqəsində bu qız təmsil edəcək

Müsabiqə Kral TV ilə canlı yayımlanacaq.

Avqustun 15-də Türkiyənin İzmir şəhərində “ Miss Exclusive of the World 2015” beynəlxalq model müsabiqəsinin final mərhələsi keçiriləcək.

Ölkə.Az bildirir ki, bu haqda Oxu.az-a məlumatı təşkilatçı Aqil Məmiyev verib:

“Hazırda təmsilçimiz Günel Şirəliyeva ilə birlikdə yarışma ilə bağlı hazırlıqlara başlamışıq. Fotosesiylar, ölkəmizi tərənnüm edən video-tizerlər, TV və media müsahibələrə başlayırıq.Günelin üzərində tanınmış stilistlər Pərvanə Məmmədova və Sabir işləyir. Hazırlıqlar “Eurovision” müsabiqəsi formasında aparılır.

Həmçinin müsabiqənin prezidenti Çağrı Tortopla sonuncu görüşümüzdə qərar verdik ki, gələn il bu müsabiqəni ölkəmizdə keçirək. Bu ölkəmizi tanıtmaq və turizm baxımından çox gözəl addım olardı”.

Qeyd edək ki, bu il final mərhələsi isə avqust ayının 15-də İzmirdə keçiriləcək. Amma seçilən təmsilçilərimiz 25 iyuldan kampda iştirak üçün İzmirə yola düşəcəklər.

Müsabiqə Kral TV ilə canlı yayımlanacaq. Münsiflər heyətində Türkan Şoray, Uğurkan Erez, Serdar Ortaç, Çağla Şikel kimi məşhurların yer alacaq.

Xatırladaq ki, “Miss Exclusive of the World 2015” müsabiqəsində dünyanın 50 ölkəsindən qızlar iştirak edəcək. Keçən il bu müsabiqədə ölkəmizi tanınmış aktrisa və model Tamilla Həmidova Təmsil etmişdi.