Nazpəri İlhaməyə olan borcunun bir hissəsini ödədi

Nazpəri Dostəliyeva İlhamə Quliyevaya məhkəmədə uduzduğu 25 min manatın bir hissəsini ödəyib.

Bu barədə Ölkə.az-a etibarlı mənbədən məlumat daxil olub. Mənbə bildirilib ki, Dostəliyeva dünən poçt vasitəsilə borcunun iki minini köçürüb. Əməkdaşımız məsələ ilə bağlı xalq artisti İlhamə Quliyevanın köməkçisi Mehriban Bəylərqızı ilə əlaqə saxlayıb. M.Bəylərqızı faktı təsdiqləyib:

"Bir az əvvəl Nəriman rayon Məhkəməsinin icra şöbəsindən zəng edərək bildirdilər ki, Nazpəri Dostəliyeva daha iki min manat ödəyib. Hazırda ora gedirəm. Nazpəri Dostəliyeva gecikmələrlə pulun səkkiz min manatını ödəmişdi. İndi ödədiyi ilə birlikdə on min manat ödəyib".

Xatırladaq ki, məhkəmə Nazpəri Dostəliyevaya 25 min manat cərimə kəsmişdi.

İntiqam VALEHOĞLU
Ölkə.az