Avropa Liqasında yarımfinalçılar müəyyənləşir

Bu gün futbol üzrə Avropa Liqasında 1/4 final mərhələsinin cavab oyunları keçiriləcək.

Ölkə.Az-ın Sportnet.az-a istinadən məlumatına görə, 6 ölkədən 8 komanda növbəti mərhələyə vəsiqə uğrunda mübarizə aparacaq.

İtaliya təmsilçilərindən "Fiorentina" Ukrayna "Dinamo"sunu, "Napoli" isə "Volfsburq"u qəbul edəcək. "Napoli" ilk oyunda rəqibini 4:1 hesabı ilə məğlub edərək, demək olar ki, yarımfinala vəsiqəni təmin edib.

Rusiyanın "Zenit" klubu "Sevilya"nı qəbul edəcək. Bu komandalar arasında ilk görüş 2:1 hesabı ilə İspaniya təmsilçisinin qələbəsi ilə başa çatıb.

Ukrayna təmsilçisi "Dnepr" isə "Brügge" ilə qarşılaşacaq. Belçikada baş tutan ilk oyun 0:0 hesabı ilə yekunlaşıb.

Avropa Liqası 1/4 final, cavab oyunları

23 aprel

00:05. "Dnepr" (Ukrayna) - "Brügge" (Belçika) (İlk oyun 0:0)
Baş hakim: Alberto Undiano Malyenko (İspaniya)

00:05. "Zenit" (Rusiya) - "Sevilya" (İspaniya) (İlk oyun 1:2)
Baş hakim: Nikola Ritsoli (İtaliya)

00:05. "Napoli" (İtaliya) - "Volfsburq" (Almaniya) (ilk oyun 4:1)
Baş hakim: Cüneyt Çakır (Türkiyə)

00:05. "Fiorentina" (İtaliya) - "Dinamo" (Kiyev, Ukrayna) (ilk oyun 1:1)
Baş hakim: Yunas Eriksson (İsveç)

Qeyd edək ki, oyunların başlama saatı Bakı vaxtı ilə göstərilib.

Ölkə.Az