Bibisi qızını öldürən şəxs: "Əsəbiydim, cavab qaytardı, mən də vurdum"
Ötən gün İmişli rayonunun Qaragüvəndikli kəndində qətl törədilib. 21 yaşlı qız öz dayısı oğlu tərəfindən bıçaqlanaraq öldürülüb.
Belə ki, həmin kənd sakini 23 yaşlı Tağıyev Vüsal Atamoğlan oğlu yaşadığı evə gələn zaman bibisi qızı Hüseynova Emilya Bahadur qızı ilə mübahisələri yaranıb. Vüsal bibisi qızına söz deyən zaman aldığı cavab onu anidən özündən çıxarıb. Yaranan mübahisə zamanı Vüsal bibisi qızı olan Emilyanı bıçaqlayaraq qətlə yetirib.
Hadisəni törədən Vüsal könüllü olaraq İmişli rayon Polis Şöbəsinə təslim olub və əməlini etiraf edib: "Əsəbiydim, cavab qaytardı, mən də vurdum. Peşimanam"
Hazırda faktla bağlı İmişli Rayon Prokurorluğunda araşdırma davam etdirilir.(Region TV)
Ölkə.Az
