Kerri Türkiyə-Ermənistan münasibətlərinin normallaşdırılmasının tərəfdarıdır

Dövlət katibi Çavuşoğlu ilə görüşdü.

ABŞ-ın dövlət katibi Con Kerri Türkiyə və Ermənistan arasında münasibətlərin normallaşdırılmasını zəruri hesab edir.

Ölkə.Az Oxu.az-a istinadən xəbər verir ki, bu barədə Dövlət departamenti Kerrinin Türkiyənin XİN başçısı Mövlut Çavuşoğlu ilə görüşünün yekunlarına əsasən məlumat verib.

“Dövlət katibi Türkiyə və Ermənistan arasında münasibətlərin normallaşdırılması üçün ABŞ-ın dəstəyini ifadə edib. O həmçinin Ankara tərəfindən hökumətin Ermənistanla barışıq haqqında bəyanatlarının həyata keçirilməsi üzrə konkret addımların atılmasının vacibliyini qeyd edib”, - məlumatda qeyd olunub.

Məlumatda həmçinin deyilir ki, tərəflər həmçinin Ukraynada vəziyyət, Yəmən, Liviya və Kiprdəki hadisələri müzakirə ediblər.

Ölkə.Az