İŞİD-in yeni lideri bu şəxsdir

İŞİD-in yeni başçısı keçmiş fizika müəllimidir.

Ölkə.Az "Newsweek"a istinadla xəbər verir ki, İŞİD terror təşkilatının müvəqqəti rəhbəri keçmiş iraqlı fizika müəllimi Abu Ala Afri seçilib.

Bu barədə məlumat İraq hökumətinin müşaviri Hişam Al-Haşimi tərəfindən yayılıb. Al-Haşimi bildirib ki, Əl-Bağdadinin öləcəyi halda Ala Afri İŞİD-in daimi lideri olacaq.

Xatırladaq ki, aprelin 21-i İŞİD terror qruplaşmasının lideri Əbu Bəkr Əl-Bağdadinin İraqın qərbində aviazərbələr nəticəsində ciddi yaralandığı barədə xəbərlər yayılmışdı. Bildirilir ki, aldığı xəsarətlər İŞİD liderinin həyatına ciddi təhlükə törətsə və hələlik gündəlik işlərlə məşğul olmasa da, artıq onun durumu yaxşılaşmağa doğru gedir.

Rəşid Mustafazadə

Ölkə.Az