Gürcüstan azərbaycanlılarının “erməni soyqırımı”

Azərbaycanlıların Mədəniyyət Mərkəzi ermənilərin soyqırımı iddiaları ilə əlaqədar bəyanat qəbul edib. 

Diasporla iş üzrə Dövlət Komitəsindən daxil olan məlumata görə, bəyanatda bildirilir ki, onilliklər ərzində ermənilər Birinci Dünya müharibəsi zamanı Osmanlı imperiyasında onlara qarşı soyqırım törədildiyini sübut etməyə və bütün dünyanı buna inandırmağa cəhd göstəriblər. “Həqiqət isə odur ki, Birinci Dünya müharibəsi zamanı çətin döyüş şəraiti, daxili münaqişələr, aclıq və xəstəliklər üzündən çox sayda erməni tələf olub. Lakin həmin dövrdə ermənilərdən də çox türklər həlak olub”.

Bəyanat müəllifləri bildirir ki, bu gün ermənilərdən Mərkəzi Anadoluda törətdikləri qətllərin hesabı soruşulmalıdır: “Əgər ermənilər tarixi faktları obyektiv araşdırmaq istəyirsə, siyasi məqsədlərə görə tarixi reallığı eybəcərləşdirməkdən cəkinməli və işi mütəxəssislərə həvalə etməlidirlər. Ermənilərdən fərqli olaraq, türklər öz arxivlərini tarixçilərə açdı və həqiqəti üzə çıxarmaq naminə birgə komissiyanın yaradılması təklifini dəstəklədilər”.

Ölkə.Az