Azərbaycanda dramatik qəza

Bərdə - Həsənqaya yolunun 9-cu kilometrində “Mersedes” markalı avtomobil VAZ-2106 markalı avtomobillə toqquşub.

Zərbə nəticəsində havaya qalxan VAZ-2106 yolda hərəkət edən Zahid Abbasovun idarə etdiyi VAZ-21010 markalı avtomobilin üzərinə düşüb. VAZ-2106 markalı avtomobilin sürücüsü, Ağdamın İmamqulubəyli kənd sakini 49 yaşlı İxtiyar Qəmbərov hadisə yerindəcə dünyasını dəyişib.

Qəza nəticəsində xəsarət alan sərnişin - 26 yaşlı Gülmirə Nəcəfzadə Bərdə Rayon Xəstəxanasına yerləşdirilib. Xəstəxanadan verilən məlumata görə, yaralının vəziyyəti normaldır.

Hadisə yerində araşdırma aparan Bərdə rayon PŞ əməkdaşlarının verdiyi məlumata görə, qəzaya VAZ-2106 markalı avtomobilin sürücüsü İxtiyar Qəmbərovun yüksək sürətlə idarə etdiyi avtomobillə “Mersedes” markalı avtomobilin yoluna çıxması səbəb olub. (anspress)

Ölkə.Az