Son 80 ilin zəlzələ faciəsi davam edir

Ötən gün Nepalda baş verən güclü zəlzələ səbəbindən ölənlərin sayı durmadan artmağa başlayıb. 

Son 80 il ərzində baş verən ən güclü zəlzələ nəticəsində 2263 nəfər dünyasını dəyişib. Nepal rəsmilərinin son məlumatına görə, xəsarət alanların sayı 5590 nəfərə çatıb. 

Ölkədə fövqəladə vəziyyət davam edir. Hindistan, Pakistan, Çin və ABŞ Nepala tibbi yardım göstərəcəklərini vəd ediblər. Ərazidə xilasetmə işləri davam etdirilir. Ölən və yaralıların sayının artacağı qeyd edilir. 

Verilən məlumata görə, ölkə aeroportu fəaliyyətini bərpa edib. 

Xatırladaq ki, Nepalda 7,9 bal gücündə yeraltı təkanlar geniş dağıntılar törədib. 

Zəlzələnin episentri paytaxt Katmandudan 77 kilometr aralıqda yerləşib. Bu gün isə Nepalda 6,7 bal gücündə daha bir zəlzələ olub.  (Qafqazinfo)

Ölkə.Az