"Bəyin saxlanılması xəbəri yalandır"

"Xudafərin" şadlıq sarayında keçirilən toyda düşən dava nəticəsində 30 nəfərin saxlanılmasıyla bağlı yayılan xəbərlər həqiqəti əks etdirmir".

Bunu Ölkə.Az-a açıqlamasında Nizami Rayon Polis İdarəsinin 24-cü bölməsinin təhqiqatçısı Rövşən Rəhimli bildirib. Təhqiqatçı deyib ki ki, sözügedən məsələ ilə bağlı cəmi üç nəfər saxlanılıb: "Hazırda məsələ araşdırılır, istintaqa verilməyib. Bəyin saxlanılması da yalan xəbərdir. Əgər belə bir şey olaydı, mən bilərdim"

Qeyd edək ki, mətbuatda yayılan xəbərlərdə “Xudafərin” şadlıq sarayında keçirilən toyda bəyin gəlini döydüyü bildirilirdi. Qeyd olunurdu ki, Nizami Rayon Polis İdarəsinin 24-cü polis bölməsinin əməkdaşları hadisənin iştirakçısı olan 30 nəfəri, o cümlədən bəyi polisə aparıb.

İntiqam VALEHOĞLU

Ölkə.Az