500 qram gilas bazarda 10 min dollara satıldı
“Ölkə.Az” Yapon mediasına istinadən xəbər verir ki, ölkənin Yamaqata əyalətində bu il 500 qramlıq gilas qutusu 1 milyon ienə (9,8 min dollara) satılıb.
Satışda ən bahalı gilaslar erkən yetişən Satonisiki çeşidindən seçilərək yığılan qutular olub. Gilasın baha olması onun yetişdiirlmə texonologiyası ilə izah edilir. Bu növ gilas ağacları xüsusi qablarda böyüyür. Xüsusi qablara əkilən gilas ağacları iyun ayından oktyabrın əvvəlinədək soyuducuya, daha sonra istixanalara köçürülür. İstixanlarda isə həmin ağaclar gündüz 25 dərəcə istilikdə, gecələr isə 13 dərəcəyə yaxın istilikdə saxlanılır.
Yaponiyanın Yamaqata əyaləti ən dadlı gilas istehsalçısı hesab olunur və ölkənin 75 faiz gilas istehsalı bu əyalətin payına düşür.
Mürtəza
Ölkə.Az
