Futbol matçı zamanı faciə

Belçikanın “Lokeren” klubunun mərkəzi müdafiəçisi Qreqori Mertensin ölkə çempionatı çərçivəsində “Genka” komandası ilə matç zamanı ürəyi dayanıb.

Belçikalı futbolçu matçın 25-ci dəqiqəsində yerə yıxılıb. Hakim dərhal oyunu dayandırıb və həkim çağırıb. Matç sona qədər oynanılmayıb.

Labüd reanimasiya prosedurları yerinə yetirildikdən sonra Mertensi Genka xəstəxanalarından birinə çatdırıblar. Orada Martens süni koma vəziyyətinə salınıb. İndi tibb işçiləri futbolçunun həyatı üçün mübarizə aparırlar.

“Lokeren”in klub həkimi bəyan edib ki, 24 yaşlı oyunçu bütün tibbi yoxlamalardan vaxtında keçib və heç bir zaman ürək problemi olmayıb.

Cari mövsümdə Mertens Belçika çempionatında 15 matç və Avropa liqasında üç oyun keçirib.oxu.az

Ölkə.Az