"Instagram" bu yeniliyi tətbiq etdi

"Instagram"a yeniləmə gəlib.

Ölkə.Az xəbər verir ki, populyar foto və video paylaşım tətbiqi olan "Instagram" yeni fotofiltrləri təqdim edib.

"Instagram" istifadəçilərinə bir sıra yeniliklər təqdim edib. Sosial şəbəkə istifadəçilərinin sayını daha da artırmq üçün işlərə davam edir. "Instagram" bu çərçivədə yeni filtr xüsusiyyətləri gətirib. "Instagram" "Lark", "Reyes" və "Juno" adlı yeni filtrləri istifadəyə verib. Mənzərə fotoşəkillərini çəkməyi sevən istifadəçilər üçün nəzərdə tutulan "Lark" filtri, qırmızı doygunluğu azaldıb, mavi və yaşıl rəngləri qüvvətləndirir. "Reyes"in isə fotoşəkillərə solğun və köhnə bir ab-hava qatdığı ifadə edilib. "Instagram" istifadəçilərinə təqdim etdiyi üçüncü filtr isə "Juno"dur. "Juno" fotoşəkilləri soyuq yüngül yaşıl rəngə salır.

Qeyd edək ki, "Instagram" pulsuz foto paylaşım proqramıdır və o, 2010-cu ilin oktyabr ayında yaradılıb. Bu şəbəkə istifadəçilərinə çəkdikləri fotoşəkil üzərində digital filtr istifadə etmək və bu fotoşəkli "Instagram"ın da daxil olduğu sosial media xidmətləri ilə paylaşma imkanına malikdir.

Ölkə.Az