Afrikada dəhşətli qətliam

Hamısı dinc sakinlərdir.

Ölkə.Az "Associated Press"ə istinadən xəbər verir ki, Nigeriyanın sərhədyanı Damasak şəhərində "Boko Haram" terror qruplaşması tərəfindən öldürülən yüzlərlə insan meyiti aşkar edilib.

Şahidlər bildirir ki, "Boko Haram"dan təmizlənmiş şəhərdə yüzlərlə tanınmayan dinc insanların meyitləri tapılıb. Yerli hakimiyyət orqanları bəyan edir ki, qadın, uşaq və kişi meyitləri şəhərin düz ortasındadır. Qeyd olunur ki, ölən kişilər "Boko Haram" yaraqlılarıdır.

Çadın silahlı qüvvələri bildirir ki, Damasak ətrafında da yüzlərlə meyitlər var.

Xatırladaq ki, 27 apreldə Nigeriya və qonşu ölkələrdə aktiv şəkildə fəaliyyət göstərən “Boko Haram” terrorçu qruplaşması adını dəyişmişdi. Bildirilir ki, bundan sonra terrorçu qruplaşma “İslam dövlətinin Qərbi Afrika əyaləti” (Islamic State's West Africa Province, ISWAP) adlanacaq.

Qeyd edək ki, Boko Haram ( Camaat’u Əhlus-Sünnə lid-Da’va vəl Cihad) Nigeriyanın radikal islam sektasıdır. O, 2002-ci ildə Nigeriyanın şimalında Məhəmməd Yusif adlə şəxs tərəfindən yaradılıb. Təşkilatın əsas məqsədi bütün Nigeriya ərazisində şəriətin tətbiqi və Qərb həyat tərzinin silinməsidir. 2014-cü ilin may ayında BMT Təhlükəsizlik Şurası tərəfindən terror təşkilatları siyahısına salınıb.

Rəşid Mustafazadə

Ölkə.Az