304 nəfərin öldüyü gəminin kapitanına- Ömürlük həbs
Ötən il Cənubi Koreyada batan, 304 nəfərin öldüyü "Sewol" gəmisinin kapitanına ömürlük həbs cəzası verilib.
Bu barədə ölkənin Yonhap xəbər agentliyi məlumat yayıb.
Gwangju Bölgə Məhkəməsi 36 il həbsə məhkum edilən 68 yaşlı Lee Joon-seok barədə qərarını dəyişib. Məhkəmə 304 nəfərin ölümünə səbəb olan kapitan barədə ömürlük həbs qərarı çıxarıb.
Qeyd edək ki, məhkəmə əvvəl kapitana 36 il həbs cəzası vermiş, ölənlərin ailələri bu qərara etiraz edərək Lee Joon-seokun edam edilməsini tələb etmişdi. Cənubi Koreyada 1994-cü ildən etibarən edam cəzası aradan qaldırıldığı üçün bu tələb reallaşmamışdı.
Xatırladaq ki, ölkənin Incheon şəhərindən Jeju Adasına gedən 6325 ton ağırlığındakı Sewol gəmisi batmışdı. Kapitan xilas edilmiş, 304 nəfər ölmüşdü. (Qafqazinfo)
Ölkə.Az
