İran təyyarəsinə mane olmaq üçün hava limanını bombaladılar

Səudiyyə Ərəbistanı hərbi hava qüvvələri Sana hava limanının eniş zolağını bombalayıb.

Ölkə.az "Əl Ərəbiyyə" telekanalına istinadən xəbər verir ki, bir İran nəqliyyat təyyarəsinin Sana hava limanına enməsinin qarşısını almaq üçün Səudiyyə döyüş təyyarələri Yəmən paytaxtının hava limanını bombalayıblar.

Yəmənin hava sahəsinə daxil olan İran təyyarəsinə geri qayıtmaq haqqında xəbərdarlıq edilsə də pilot buna məhəl qoymayaraq kursu dəyişməyib. Vəziyyəti belə görən Səudiyyə qırıcıları Sana hava limanının eniş zolağını bombalayaraq onu yararsız vəziyyətə salıblar. Hava limanının bombalandığını görən İran nəqliyyat təyyarəsi məcburən geri qayıdıb.

Ölkə.az