Yeznəsini öldürüb ölkəni tərk etdi

Şəmkir sakininin üzərində güllə yaraları olan meyidi aşkarlanıb

Rayonun Çinarlı qəsəbə sakini Rəşid Cəlil oğlu İmanovun meyiti yaşadığı mənzildə aşkarlanıb. Hadisə yerinə cəlb olunan polis və prokurorluq əməkdaşları meyiti müayinə etmək üçün məhkəmə tibbi ekspertiza və anatomiya birliyinin Şəmkir rayon şöbəsinə təhvil verib. Ölkə.Az Kəpəz TV-yə istinadən bildirir ki, müəyyən edilib ki, İmanov odlu silahla qətlə yetirilib. Keçirilən istintaq əməliyyat tədbirləri nəticəsində Rəşid İmanovun bir neçə gün əvvəl qeyri-rəsmi nikahda yaşadığı həyat yoldaşı Gülmira Abdullayevanın qardaşı Mirəzim Allahverənov tərəfindən ov tüfəngi ilə qətlə yetirildiyi məlum olub. Hadisədən sonra cinayəti törədən şəxs ölkə ərazisini tərk edib. Hazırda onun tutulması istiqamətində əməliyyat-axtarış tədbirləri davam etdirilir. Faktla bağlı Şəmkir Rayon Prokurorluğunda cinayət işi açılıb.

Şahin Şükürov, Şəmkir rayon prokurorunun böyük müstəntiqi: “İsti izlərlə həmin cinayətin mərhum Rəşid İmanovun qeyri-rəsmi ər-arvad kimi yaşadığı Abdullayeva Gülmira Mirkazım qızının qardaşı, Qazaxıstan Respublikasında anadan olan Allahverənov Mirəzim Mirkazım oğlu tərəfindən 29 sentyabr 2014-cü il tarixində törədilməsi müəyən edilib. Hal-hazırda həmin cinayət hadisəsini törədən şəxsin tutulması, eyni zamanda istintaq tədbirləri davam etdirilir”.

Ölkə.Az