Con Kerri həmişə Azərbaycana qarşı ədalətsiz mövqeyi ilə tanınıb
“Azərbaycanda sürətli inkişaf davam etdikcə, onun beynəlxalq nüfuzu artdıqca ABŞ-da və Avropada müəyyən qüvvələr Azərbaycanın müstəqil, düşünülmüş daxili və xarici siyasətinə qarşı müxtəlif istiqamətlərdə məkirli kampaniyalar aparmağa başlayıblar”.
Bunu açıqlamasında Milli Məclisin üzvü Rauf Əliyev antiazərbaycan kampaniyasının ABŞ dövlət katibi Con Kerrinin ofisindən idarə olunması ilə bağlı əldə olunan sənədləri şərh edərkən bildirib
R.Əliyev qeyd edib ki, I Avropa Oyunlarının başlanmasına az bir vaxt qaldıqca bu təzyiqlər və iftiralar daha da güclənir:
“ABŞ-ın Dövlət Katibi Con Kerrinin ermənipərəst mövqeyi çoxdan bəllidir. ABŞ Konqresində Azərbaycana qarşı qəbul edilmiş məşhur 907 saylı qətnamənin müəllifi kimi o həmşə Azərbaycana qarşı ədalətsiz mövqeyi ilə tanınmışdır”.
R.Əliyevin sözlərinə görə, maraqlı burasıdır ki, daima insan hüquq və azadlıqlarının mudafiəsindən danışan Con Kerrinin öz ölkəsində amerikalı qaradərəli vətəndaşlarının hüquqları elə dövlətin əsayiş keşişçiləri-polisləri tərəfindən mütəmadi olaraq kobud sürətdə pozulur:
“Boltimorda baş verən son ölüm hadisəsindən sonra bas vermiş kütləvi ixtişaşlar səngimək bilmir. Artıq şəhərdə komendant saatı təyin edilmişdir. Bütün bunları görməzdən gələrək digər ölkələrə demokratiya dərsi verən ABŞ-ın üzdəniraq idioloqlarının siyasəti iflasa uğrayır”.
Millət vəkili qeyd edib ki, Azərbaycana qarşı yönəlmiş bu riyakar, çirkin kampaniyalara baxmayaraq, Azərbaycan öz seçdiyi müstəqillik yolundan dönməyəcək, ölkəmiz daha da güclənəcək.Trend
Ölkə.Az
