"Facebook"a bomba yenilik gəlir

Yenilik "Facebook"a da tətbiq olunur.

Ölkə.Az xəbər verir ki, ən populyar sosial şəbəkə sayılan "Facebook" mobil telefonlar vasitəsilə üz-üzə danışmağı təmin edən videozəng xüsusiyyətini istifadəyə verib. Sözügedən yenilik artıq bir çox ölkələrdə təqdim olunub.

"Facebook"dan bildirilib ki, dünya səviyyəsində internet vasitəsilə həyata keçirilən səsli mobil ünsiyyətin 10%-i saytın "Messenger" tətbiqi ilə reallaşdırılıb.

Qeyd olunur ki, "Messenger" hər ay 600 milyondan çox insanın ünsiyyətinə imkan yaradıb.

"Facebook"un əvvəllər kompüterdən təqdim etdiyi videozəng imkanı indi də mobil telefonlara tətbiq olunub.

"Messenger"in görüntülü danışıq xüsusiyyəti həm iOS, həm də Androidsistemli mobil telefonlarda istifadə edilə biləcək. Bu xüsusiyyət, əvvəlcə Belçika, Kanada, Xorvatiya, Danimarka, Fransa, Yunanıstan, İrlandiya, Laos, Litva, Meksika, Nigeriya, Norveç, Oman, Polşa, Portuqaliya, İngiltərə, ABŞ və Uruqvayda istifadəyə verilib.

Yeniliyin Azərbaycanda nə zaman tətbiq olunacağı ilə bağlı məlumat yoxdur.

Ölkə.Az