Yanmış kişi meyiti tapıldı
Şəkidə 86 yaşlı kişinin yanmış meyiti meşə kənarından tapılıb.
Şəki Şəhər-Rayon Polis Şöbəsindən verilən məlumata görə, bu gün axşam saatlarında rayonun Oraban kəndinə gedən yolda meşə zolağının kənarından yanmış kişi meyiti tapılıb.
Aparılan araşdırma zamanı məlum olub ki, tapılan yanmış meyit 1929-cu il təvəllüdlü, Şəki rayonu Baş Küngüt kənd sakini Yaqub İdris oğlu İsmayılovundur. Araşdırma zamanı o, da məlum olub ki, 86 yaşlı Yaqub İsmayılov evdən çıxıb və meşə kənarına gedərək özü-özünə od vuraraq intihar edib.
Faktla bağlı Şəki rayon prokurorluğunda cinayət işi başlayıb, araşdırma aparılır. (APA)
Ölkə.Az
