Ekspert: "Rusiya Krımda nüvə silahı yerləşdirsə, sanksiyalar daha da güclənəcək"

Rusiyanın Krımda nüvə silahı yerləşdirəcəyinə dair verdiyi bəyanat Kiyevi qartışdırıb. Ukrayna höküməti bununla bağlı ciddi narahatlığını bildirib.

Rusiya Krımda nüvə silahı yerləşdirəcəyi təqdirdə bunun nəticələri nələr ola bilər? Rusiya indiki vəziyyətdə bu addımı ata bilərmi?

Baş verəcək prosesləri Ölkə.az-a hərbi ekspert Üzeyir Cəfərov şərh edib.

Üzeyir Cəfərov: "Rusiya Krımla bağlı apardığı yanlış siyasəti davam etdirmək fikrindədir. Bu siyasət Rusiya üçün ciddi problemlər yaradcaq. Rusiya Krımla bağlı atdığı addıma görə onsuz da xoş günə çıxmayıb. Rusiyanın Krımda nüvə silahı yerləşdirmək haqqında arzusunu başa düşmək olar. Çünki Rusiya çox yaxşı başa düşür ki, Krımı heç kim ona bağışlamaq niyyətində deyil. Krımla bağlı Rusiyanın başı hələ çox ağrıyacaq.

Rusiya atacağı bu addımla özünü çətin vəziyyətə qoyur. Rusiya ağıllı siyasət yürütsə, iqtisadi çətinlikləri aşa bilər.Moskva ora hərbi birləşmələrin yerləşdirir, əlavə olaraq nüvə silahı da yerləşdirsə, Rusiyaya qarşı iqtisadi sanksiyalar güclənəcək. Şimal qonşumuzun son atdığı addımlar "oturduğu budağı kəsməyə" bənzəyir. Onsuz da dünyanın söz sahibi olan dövlətləri Krımı Rusiyanın tərkibi kimi tanımayacaq".

Səxavət Məmməd
Ölkə.az