"Azərbaycan regionun mərkəzinə çevrilib"
Azərbaycan bütün sahələrdə, o cümlədən siyasi və iqtisadi sahələrdə böyük uğurlara nail olub və Qafqazın mərkəzinə çevrilib.
Bunu Bakıda jurnalistlərə Türkiyənin sabiq Prezidenti Abdullah Gül bildirib.
O vurğulayıb ki, Bakı öz enerji imkanları ilə daim beynəlxalq ictimaiyyətin diqqət mərkəzində olan tarixi şəhərdir.
A.Gül deyib ki, Ankara Azərbaycanın uğurlarını izləyir və bundan fərəhlənir: "Bakı bölgədə siyasi və mədəni hadisələrin mərkəzinə çevrilir".
Sabiq dövlət başçısı qeyd edib ki, Azərbaycan tərəfindən koordinasiya olunan layihələri vacib qiymətləndirir. O bu layihələr sırasında "Cənub Qaz Dəhlizi" və Bakı-Tbilisi-Qars dəmiryolu magistralının rolunu xüsusi vurğulayıb.Trend
Ölkə.Az
