Milyarder Rokfellerə altıncı dəfə ürək köçürdülər

O, 200 il yaşamaq niyyətindədir.

99 yaşlı amerikalı milyarder Devid Rokfellerə altıncı dəfə ürək köçürüblər, World News Daily Report bildirib.

Nəşr qeyd edir ki, əməliyyat altı saat davam edib. Ölkə.Az Oxu.az-a istinadən xəbər verir ki, prosedur biznesmenin Nyu-Yorkdakı malikanəsində keçirilib.

İlk dəfə Rokfeller bu qəbildən olan əməliyyatı avtomobil qəzasından sonra 1976-cı ildə keçirib.

99 yaşlı biznesmen jurnalistlərə əməliyyatdan 36 saat sonra bir neçə sual verməyə icazə verib.

“Hər dəfə yeni ürək aldıqdan sonra məndə sanki yeni həyat eşqi yaranır. Mən enerji və həyat hiss edirəm”, - Rokfeller deyib.

Uzunömürlülük sirri barədə suala cavab verərkən milyarder cavab verib:

“Mənə bu sualı tez-tez verirlər və mən hər dəfə eyni şeyi deyirəm: həyat eşqi. Sadə həyat tərzi ilə yaşamaq, əlinizdə olanlardan həzz almaq, yaxşı və sadiq dostlarla zaman keçirmək”.

“Mən çox pul qazanmışam, amma onların əksər hissəsini paylaşmışam. Əgər bölüşməyi bacarmırsansa almağın mənası yoxdur”, - məşhur filantrop qeyd edib.

Milyarder zarafatla 200 il yaşamaq niyyətində olduğunu deyib.

Ölkə.Az