Dövlət Departamenti: ABŞ Qarabağdakı “seçkilər”in nəticələrini tanımayacaq
“Biz Dağlıq Qarabağı müstəqil dövlət kimi tanımırıq”.
ABŞ hakimiyyəti mayın 3-də Dağlıq Qarabağda keçiriləcək “parlament seçkiləri”ni tanımağa hazırlaşmır.
Bu barədə ABŞ Dövlət Departamentinin bu günkü bəyanatında deyilir.
“ABŞ Dağlıq Qarabağı müstəqil suveren dövlət kimi tanımır. Bununla əlaqədar olaraq biz 3 may seçkilərinin nəticələrini tanımayacağıq”, - ABŞ-ın xarici siyasət idarəsinin rəsmi nümayəndəsi Ceff Ratke deyib.
Qeyd edək ki, Avropa İttifaqı və ATƏT-in Minsk Qrupu da Dağlıq Qarabağda keçiriləcək qondarma “seçkiləri” tanımayacaqlarını bəyan ediblər./Oxu.az/
Ölkə.Az
