Pandemiya şəraitində azərbaycanlıların turist kimi gedəcəyi yeganə ölkə - Türkiyə

Artıq bir ildir ki, insanları evlərə həbs edən koronavirus pandemiyası, insan psixologiyasına çox ciddi sarsıntılar yaşatdığından hər bir kəs bir anlıq da olsun həbsdən xilas olub, təbiətin qiyunuan çıxmaq və ya haradasa  istirahət edib stressdən xilas olmaq istəyir. Bunun üçün ən yaxşı yerlər turizm  məkanlarıdır. Lakin pandemiya şəraiti olduğundan dünyanın turist məkanlarının da fəaliyyətinə ciddi məhdudiyyətlər qoyulub. Anacaq çox az ölkə ölkəsinə xarici turist qəbul etməyə hazır vəziyyətdədir. Belə olan şəraitdə Azərbaycan vətəndaşı hansı ölkəni seçib, orada rahat və təhlükəsiz istirahət edə bilər? Buna  birmənalı olarq belə cavab vermək olar- Türkiyə... Türkiyə dünyanın yeganə ölkələrindəndir ki, pandemiya şəraitindən xarici ölkə turistlərinə qəbul etməyə hazır vəziyyətdədir. Necə deyərlərə Türkiyə pandemiya şəraitində #Safe Tourism tələblərinə uyğun olaraq fəaliyyətini qurub. O baxımdan birmənalı olaraq demək olar ki, pandemiya şəraitində Azərbaycan vətəndaşının  alternativsiz  seçəcəyi ünvan Türkiyədir. Ən əsası odur ki, hazırda Azərbaycanla Türkiyə arasında hava nəqliyyatı vasitəsi bərpa olunub və Bakıdan İstanbul, Ankara və İzmirə  təyyarə uçuşları mövcuddur. Bu şəhərlərdən isə Türkiyənin digər şəhərlərinə səfər etməkdə heç bir problem yoxdur.

Düzdür, bu gün Azərbaycandan Türkiyəyə turist səfərləri olsa da, bu əsasən müalicəvi və işgüzar xarakterli turist səfərləridir. Yay aylarında Antalya və Bodrum istiqamətlərinə də birbaşa uçuşların başlayacağına ümid etmək olar.

Türkiyə  nəinki Azərbaycan turistlərini, o cümlədən dünyanın istənilən ölkəsindən olan turistləri qəbul etməyə hazırdır. Azərbaycan turistlərinin bu ölkədə istirahət etməsi üçün ciddi hər hansı problem yoxdur. Sadəcə  koronovirusdan PSR testi vermək yetərlidir. Təki nəıticələrə neqativ olsun. 

Bundan sonra istirahət üçün seçiləcək məkanlar yetərincədir. Yəni Türkiyədə istirahətini maraqlı keçirmək  üçün istənilən qədər alternativlər mövcuddur. Türkiyə  dünyanın azsaylı ölkələrindəndir ki, bu ölkədə ilin fəslindən asılı olmayaraq turizmin bütün növləri mövcuddur.Təki sən sevdiyin turizm növünü  seç... Yer müəyyənləşdirmək və keyfli bir istirahət etməkdə hər hansı çətinlik olmayacaq.

Məsələn qış fəslində mülayim, elə də soyuq olmayan bir ərazini seçmək istəyirsənsə o zaman İzmir  alternativsiz ən gözəl məkanlardan biridir. İzmirimn qışı müaliyim, yayı isti  olduğundan ilin bütün fəsillərində burada insana  istirahət edib, gəzmək ayrı bir zövq verir.
İzmirin Türkiyənin digər şəhərlərindən fərləndirən cəhəti, bu şəhərə ayaq basdığın andan insanı özünə valeh edəcək  füsunkar gözəlliyidir. Bu gözəllik insanı ilk andan öz ağuşuna alır və  insan xatirəsində yaddan çıxmaz izlər buraxır. Bu arada onu da qeyd edim ki, Türkiyənin hər bir şəhərinin insanı özünə valeh edəcək, ömür boyu yaddan çıxarmayacaq özəllikləri və gözəllikləri var. 

İzmirin isə ayrı bir yeri var.

 İzmirin pandemiya şəraitindən #Safe Tourismin necə qurulması ilə əlaqədar olaraq bir qrup azərbaycanlı media nümaynədəsi fevralı 18-19-da İzmirdə səfərdə olaraq, vəziyyətlə yerindəcə tanış olublar.

İzmirin Mədniyyət və turizm idarəsinin rəisi  Murad Karaçanta jurnalistlərə açıqlamasında bölgənin turizm potensialı və pandemiya şəraitindən turistlərə necə qulluq edilməsinin qaydaları barədə geniş bilgi verdi.

 Bildirdi ki, pandemiyadan öncə İzmirə ildə 1,5 milyon civarında turist qəbul edib. "Amma pandemiya nəticəsində ötən il 300 min turist  gəlib. Növbəti turizm sezonunda həfədimiz turistlərin sayının 1 milyona çatdırmaqdır.Şəhərdə 40 min turisti yerləşdirmək üçün otellər mövcuddur. Gələcəkdə bu sayının daha da artırılması istiqamətində işlər görülür.  Hazırda İzmirin məhşur Çeşmə turizm bölgəsi yenidən qurulur"- Murad Karaçanta qeyd edib.
 Qeyd edək ki, Murad Karaçanta əslən azərbaycanlıdır və bir zamanlar Türkiyənin Azərbaycandakı səfirliyində mədəniyyət və turizm müşaviri vəzifəsində çalışıb.

M.Karaçanta azərbaycanlı turistlərin İzmirə gəlməsini və bu şəhərin onlar üçün doğma bir şəhər olduğunu da vurğuladı.  İzmir relyef və memarlığəna görə Bakıya daha çox oxşayır.
O pandemiya  şərtləri daxilində xarici turistlər üçün hər cür  şəraitin yaradıldığını da dilə gətirərək bildiridi ki, turistləri qəbul edib, onların  etibarlı şəkildə güvənliyini təmin etmək və istirahəti üçüm hər cür şərait yaradılıb.

Mürtəza
Ölkə.Az
Bakı-İzmir-Bakı