Tanınmış aktyorumuz əsri yarıladı

Mayın 11-də Cənubi Qafqazda ilk uşaq teatrının yaradıcısı, Bakı Uşaq Teatrının direktoru tanınmış aktyor və rejissor İntiqam Soltanın 50 yaşı tamam olur.

Ölkə.az xəbər verir ki, bu münasibətlə Bakı Uşaq Teatrının kollektivi mayın 6-da Teatr Xadimləri İttifaqının tamaşa zalında yubiley tədbiri keçirəcək. Tədbirdə yubilyarın ikinci kitabı olan “Və s. Və s. Və s.” təqdim olunacaq.

Qeyd edək ki, İ.Soltan Dövlət Mədəniyyət və İncəsənət Universitetini bitirdikdən sonra Dövlət İrəvan Dram Teatrında və Dövlət Gənclər Teatrında aktyor kimi çalışıb, yaratdığı maraqlı rollarla teatr və eləcə də televiziya tamaşaçılarının rəğbətini qazanıb.

İntiqam VALEHOĞLU

Ölkə.Az