Mustafa Hacıbəyli: "Vurğun Əyyubun 8 ildir Müsavatla heç bir əlaqəsi yoxdur"

Vurğun Əyyub "Müsavat" partiyasından çıxarılıb.

Qubad İbadoğlu Vurğun Əyyubun "Müsavat" partiyasından çıxarılmasını Müsavat tarixinə ləkə olduğunu bildirdi. Bir çox müsavatçılar "Müsavat" partiyasını "Qardaşlar birliyi" adlandırır.

Vurğun Əyyubun "Müsavat" patiyasından çıxarılmasını və Müsavat partiyasının artıq "Qardaşlar birliyi" adlandırılmasını partiyanın məclis üzvü və Müsavat başqanı Arif Hacılının qardaşı Mustafa Hacıbəyli Ölkə.az-a şərh edib.

Mustafa Hacıbəyli: "Vurğun Əyyub "Müsavat" partiyasından bir dəfə 2011-ci ildə Müsavatın Binəqədi özəyi tərəfindən çıxarılıb. Ancaq o vaxt partiya rəhbərliyi bu məsələni rəsmləşdirməyib. Hətta Müsavaın Binəqədi özəyinin Vurğun Əyyubu partiyadan çıxartmazdan əvvəl o, müalicəsi ilə bağlı partiyadan istefa verib. Partiya rəhbərliyi onun bu istefasını da rəsmləşdirməyib.

Bütün bunlardan sonra Vurğun Əyyub qurultayda müəyyən iddialar qoymaqdan çəkinmədi. Qurultaydan sonra da Vurğun Əyyubun partiya ilə əlaqəsi olmayıb. Partiya ilə əlaqəsi olmadığına görə, Müsavatın Binəqədi özəyi onu yenidən partya sıralarından xaric edib.

"Qardaşlar birliyi" ilə bağlı ittihama münasibət bildirmək istəyirəm. Şəxsən mən 1992-ci ildən Müsavat partiyasının üzvüyəm. Hal-hazırda da Müsavat partiyasında elə bir vəzifəm yoxdur. Arif Hacılının başqan seçilməsi müsavatçıların iradəsi ilə olub. Vaqif Hacıbəyli isə demokratik düşərgədə mübarizənin önündə olan şəxslərdən biridir. Vaqif Hacıbəylinin Müsavat partiyası ilə heç bir əlaqəsi yoxdur. Yəni ittihamlar tam əsassızdır.

Vurğun Əyyubun partiyadan çıxarılmasına isə belə yanaşıram, 8 ildən artıq partiya ilə heç bir əlaqəsi olmayan adamın zorla adının partiyada saxlanılmasının heç bir mənası yoxdur. 8 ildir faktiki Vurğun Əyyub Müsavat partiyasında deyil".

- Vurğun Əyyubu Müsavat partiyasının Binəqədi özəyi niyə iki dəfə partiyadan çıxarıb?

- Yerli təşkilat səbəb göstərib ki, qeydiyyatda olduğu təşkilatla əlaqə saxlamadığına, dəfələrlə dəvət olunmasına baxmayaraq yerli təşkilatın tədbirlərinə qatılmadığına və üzvlük haqqı vermədiyinə görə, Vurğun Əyyubu təşkilatdan uzaqlaşdırılıb. Mən bunları sosial şəbəklərdən öyrənmişəm.

Səxavət Məmməd
Ölkə.az