Yataq otağına yerləşdirilən gizli kamera hər şeyi ortaya çıxartdı

Türkiyənin Fəthiyə rayonunda qəribə hadisə baş verib.

Ölkə.Az Türkiyə mediasına istinadən xəbər verir ki, son iki ayda evindən bir neçə dəfə qiymətli zinət əşyalarının oğurlanmasından bezən şəxs öz yataq otağına gizli kamera yerləşdirib.

Mustafa adlı Fəthiyyə sakini həyat yoldaşı ilə işə getdiyi vaxt atasına işə getdiklərini xatırladıb evlərinə kim gəlib getsə ona xəbər verməyi xahiş edib. Atası isə 15-20 dəqiqədən sonra oğluna zəng edərək evə bir nəfərin gəldiyini deyir. Mustafa isə polisə zəng edərək onun evində oğru olduğunu bildirir.

Evə gedən polis Hüseyn adlı şəxsin tualetdə gizləndiyini görür.

Yataq otağına yerləşdirilən kameradakı görüntülərə baxan polislər kamerada Hüseyn adlı oğrunun otaqdakı çəkməcələri açdığını və dəyərli zinət əşyalarını ciblərinə doldurduğunu da görürlər.

Polis bölməsindəki dindirmədə isə Hüseyn xalasının həmin evdə qulluqçu işlədiyini, açarı isə xalasından oğurladığını etiraf edib.

 

Ölkə.Az