McDonald`s Azərbaycan rəhbərinin ailəsində faciə

İcra başçısının oğlunun vəziyyətinin ağır olduğu bildirilir 

Bakıda yüksək rütbəli məmur və tanınmış iş adamının övladlarının olduğu avtomobil qəzaya uğrayıb. 

Məlumata görə, qəzada McDonalds - Azərbaycan şirkətinin icraçı direktoru Maqsud Mirzəyevin 16 yaşlı oğlu Sənan dünyasını dəyişib. Hadisə sentyabrın 27-də saat 18 radələrində baş verib. 26 yaşlı İlham Əsgərlinin idarə etdiyi 90 AR 819 dövlət nömrə nişanlı “Mercedes” markalı avtomobil 23 yaşlı Əhliman Qəhrəmanovun idarə etdiyi "Howo" markalı yük maşını ilə toqquşub. S. Mirzəyev Ə. Qəhrəmanovun idarə etdiyi maşında olub və sürücü onu Paintball oyunundan evə qaytarırmış.  

Hadisə baş verən vaxt M.Mirzəyev ABŞ-da olub və oğlunun ölüm xəbərini eşidərək dərhal ölkəyə dönüb. McDonalds şirkəti də rəhbərlərinin övladını itirməsini təsdiqləyib. 

Toqquşan maşınlardan digərinin sürücüsü Səbail rayon İcra Hakimiyyətinin başçısı Asif Əsgərovun oğlu İlham Əsgərli olub. 

Hadisə nəticəsində hər iki sürücü yaralanıb, İ. Əsgərlinin vəziyyətinin ağır olduğu bildirilir./Milli.az/

***

Bakıda yüksək rütbəli məmur və tanınmış iş adamının övladlarının olduğu avtomobil qəzasının təfərrüatlarını əldə edilib

Məlumata görə, McDonald`s-Azərbaycan şirkətinin rəhbərinin oğlu Sənan Mirzəyevin olduğu avtomobil Xəzər rayonu ərazisində qəzaya uğrayıb.

Sentyabrın 27-də saat 18 radələrində 26 yaşlı İlham Əsgərlinin idarə etdiyi 90 AR 819 dövlət nömrə nişanlı “Mercedes” markalı avtomobil 23 yaşlı Əhliman Qəhrəmanovun idarə etdiyi "Howo" markalı yük maşını ilə toqquşub.

Qəza nəticəsində 16 yaşlı S.Mirzəyev hadisə yerində ölüb, İlham Əsgərli, 27 yaşlı Pərvin Fətullayev, Ə.Qəhrəmanov yaralanıblar.

Qəzada yaralananlardan birinin Bakının icra hakimiyyəti başçılarından birinin övladı olduğu bildirilir./Milli.az/

Ölkə.Az