Nəqliyyat Nazirliyində I Avropa Oyunları ilə bağlı brifinq keçirildi
Mayın 4-də Nəqliyyat Nazirliyində I Avropa Oyunları ərəfəsində və oyunlar zamanı göstəriləcək nəqliyyat xidmətlərinin təşkili ilə əlaqədar olaraq kütləvi informasiya vasitələri üçün brifinq keçirilib.
Bu barədə Ölkə.Az-a Nəqliyyat Nazirliyindən məlumat verilib.
Nazirliyin İctimaiyyətlə əlaqələr şöbəsinin müdiri Namiq Həsənov tədbirin miqyasını və əhəmiyyətini xüsusi vurğulayaraq, Oyunların keçirilməsi zamanı digər dövlət qurumları kimi Nəqliyyat Nazirliyinin də üzərinə çox böyük həcmli iş və məsuliyyət düşdüyünü qeyd edib.
Bu sahədə Bakı-2015 Avropa Oyunları Əməliyyat Komitəsi ilə birgə həyata keçirilən tədbirlər, xüsusilə də ictimai nəqliyyatın işinin təşkili və ekspress avtobus marşrutları, onların istiqamətləri barədə ətraflı məlumat verib, jurnalistləri maraqlandıran digər sualları da cavablandırıb.
Ölkə.Az
