Metro istifadəçilərinə şad xəbər

Bakı Metropoliteninin “28 May” stansiyasının əsas girişi açılaraq istifadəyə verilib.

Bu barədə Metropolitenin mətbuat xidmətinin rəhbəri Nəsimi Paşayev Ölkə.Az-a məlumat verib.

Qeyd edək ki, “28 may” metro stansiyası 2013-cü il iyul ayının 1-dən “2011-15-ci illərdə Bakı Metropoliteninin inkişafına dair Dövlət Proqramı”na uyğun olaraq aparılan tikinti işləri ilə əlaqədar təmirə bağlanmışdı.

Bundan əvvəl verilən açıqlamalarda yaranmış texniki problemlərlə əlaqədar girişin istismarının yubana biləcəyi vurğulanırdı. Sərnişinlər isə bu müddət ərzində “28 May” stansiyasının ikinci girişindən (Salatın Əsgərova küçəsi) və “Cəfər Cabbarlı” stansiyasının girişindən istifadə edirdilər.

Ölkə.Az