Mətn ölçüsü:
  • 100%

Toydan qayıdan ailə qəzaya düşdü

Göyçay rayonunda ailənin iki üzvünün ölümü, birinin ağır xəsarət alması ilə nəticələnən yol qəzası baş verib.

Hadisə Göyçayın Məlikkənd kəndində qeydə alınıb. Ucar rayonu Qulabənd kənd sakini, 1971-ci il təvəllüdlü Nuriyev Əzəmməd Abdurrəhman oğlu idarə etdiyi 33-BC-719 dövlət nömrə nişanlı “VAZ 2106” markalı minik maşını ilə hərəkətdə olarkən sürücü idarəetməni itirib və avtomobil yoldan çıxaraq beton elektrik dirəyinə çırpılıb. Hadisə zamanı qırılan beton elektrik dirəyi maşının üstünə düşüb.

Nəticədə Ə. Nuriyev və onun həyat yoldaşı, 1978-ci il təvəllüdlü Nuriyeva Ulduzə Əliyar qızı aldığı ağır xəsarətlərindən hadisə yerində dünyasını dəyişib, 2003-cü il təvəllüdlü Nuriyeva Əfsanə Əzəmməd qızı ağır bədən xəsarətləri ilə Göyçay Mərkəzi rayon Xəstəxanasının travmatologiya şöbələrinə yerləşdirilib.

Qeyd edək ki, hadisə zamanı elektrik dirəyinin aşması ilə, yüksək gərginlikli elektrik xətləri qırılıb. Rayonun 6 kəndi qısa müddətdə işıqsız qalıb.

Məlumata görə, qəzaya düşən ailə toy mərasimindən qayıdırmış.

Faktla bağlı Göyçay rayon Polis Şöbəsi tərəfindən araşdırma aparılır. (APA)

Ölkə.AZ