Millət vəkili: "Rusiya-Türkiyə münasibətlərinin pisləşməsi Qərbin marağındadır"

Rusiya və Türkiyə arasında "türk axını" layihəsi təxirə salınıb.

Botaş və Qazprom arasında gedən danışıqlar isə dayandırılıb. Ekspertlər Putinin İrəvan səfəri və qondarma "erməni soyqırımı"nın Rusiya tərəfindən tanınması layihənin dayanmasına səbəb kimi göstərir.

"Türk axını"nın dayanmasını və baş verən prosesləri millət vəkili Zahid Oruc Ölkə.az-a şərh edib.

Zahid Oruc: ""Türk axını" layihəsinin dayandırılması üçün heç bir hadisə baş verməyib. Qeyd edilən məsələlər indiyə qədər reallaşmış bütün layihələrin üzərində olub. Görünür bu layihənin həyata keçirilməsini istəməyən dairələr Türkiyə və Rusiya arasında baş verən hadisəni əsas götürərək bu kompaniyanı aparmaqdadırlar. Beynalxalq aləmdə antitürk qüvvələr "soyqırım" tanıma məsələsində necə idilərsə, "Türk axını" layihəsinin üzərinə də eyni cür getdilər. Türkiyə ilə Rusiyya arasında münasibtlərin yaxşılaşmasını zəruri edən səbəblər çoxdur.

Rusiya Türkiyəyə satdığı qazın qiymətində bir xeyli endirimlər edib. Taner Yıldız 24 aprel öncəsi bəyn etdi ki, Rusiyanın erməni "soyqırım"ı ilə bağlı mövqeyi iki ölkənin enerji sahəsindəki əməkdaşlığına mənfi təsir etməyəcək. Rusiya və Türkiyə arasında iqtisadi və siyasi bağlar genişləndikcə bundan Azərbaycan da yararlanacaq. Biz tarix boyu Rusiya və Türkiyə arasındakı müharibələrdən ziyan çəkmişik. Rusiya və Türkiyə münasibətlərinin istiləşməsi Ermənisanın ziyanınadır. Rusiya və Türkiyə münasibətlərinin pisləşməsi indiki zamanda Qərbin maraqlarına xidmət edir".

Səxavət Məmməd
Ölkə.az