Murad Arif: “Bu mahnı ilə düşmən bağrı çatladacağam”

Aparıcı-şoumen Murad Arif müəllifi olduğu daha bir mahnını təqdim edib.

O, Ölkə.Az-a bildirib ki, söz və musiqisi özünə məxsus olan “İnşallah” mahnısı artıq radio dalğalarında səslənir. Mahnını Rəşad Bağırov aranjiman edib:
“ Mahnı artıq ajiotaj yaradıb. Bu iki gündə yüzlərlə mesaj almışam. Hər kəs mahnını əldə etmək istəyirdi. Əslində, tamamailə başqa mahnı təqdim etmək fikrindəydim. Amma bu mahnini bəstələyən kimi saxlaya bilmədim. Əsl isti yay havalarının çoşqulu mahnısıdır. Yüksək səslə dinləyin. Əminəm bəyənəcəksiniz!”.

Murad Arif “İnşallah" mahnısı ilə bağlı maraqlı bir məqamı da açıqlayıb: “Aranjimanda Maykl Cekson, Madonna ve Nura Surinin səslərindən istifadə etmişəm. Mahninin mövzusu, ritmi məcbur edir ki, maraqlı elementlər elavə edim. Əminəm ki, hər dəfə dinlədikcə dinləyicilər yeni səslər eşidəcək. Bu mahnı ilə düşmən bağrı çatladacağam”.

M. Arif yeni mahnısına klip çəkdirməyi də düşünür. Çox güman ki, klipə rejissor Fərhad Əli quruluş verəcək. Xatırladaq ki, F. Əlişov Muradın hitə çevrilən “Həyat yoldaşımsan” mahnısına çəkilən klipin rejissorudur.

İntiqam VALEHOĞLU
Ölkə.Az