Türkiyədə Elnura qarşı hörmətsizlik

Sosial mediada bu addım qınaq obyektinə çevrilib.

Ölkə.Az xəbər verir ki, Türkiyə telakanalında müğənni Alişan və model Çağla Şikelin aparıcılıq etdiyi “Hər şey daxil” verilişində Azərbaycanın "Eurovision 2015" təmsilçisi Elnur Hüseynov "İsmayılov" kimi təqdim olunub.

Veriliş boyu yayımlanan yazılarda təmsilçimiz tamaşaçılara “Elnur İsmayılov” adı ilə göstərilib. Lakin Elnurun soyadını söyləməsindən yarım saat sonra səhvlik aradan qaldırılıb. Sosial şəbəkə istifadəçiləri bu addımı ifaçıya qarşı hörmətsizlik adlandırıb.

Gənc jurnalist Kamil Əmirli:

""Eurovision"da hәm Azәrbaycanı, hәm Türkiyәni tәmsil edәcәk deyirsiz, amma soyadını sәhv yazırsınız...", - deyə Əmirli bildirib.

Xatırladaq ki, Azərbaycanı müsabiqədə Elnur Hüseynov təmsil edəcək. O, “Hour of the Wolf” mahnısını ifa edəcək.

Elnur Hüseynov 2008-ci ildə də duet ortağı Samirlə birlikdə “Day After Day” mahnısı ilə Azərbaycanı “Eurovision”da təmsil edib.

E. Hüseynov Azərbaycan Dövlət Akademik Opera və Balet Teatrının, eləcə də Dövlət Filarmoniyasının solisti olub. O, “Notre-Dame de Paris” müziklının Azərbaycan versiyasında Foebus partiyasını ifa edib. O, həmçinin beynəlxalq səs istedadları şousu - “The Voice”-un Türkiyə versiyası olan “O səs Türkiyə”nin qalibi olub.