Elçin Əsədov “Azərbaycan turu”nun 1-ci mərhələsinin qaliblərindən biridir

Bu gün ölkəmizdə velosiped idmanı üzrə “Azərbaycan turu” start götürüb.

Birinci mərhələdə velosipedçilər 154 km məsafə qət ediblər, yarış Bakıda Dövlət Bayrağı meydanından start götürüb və Sumqayıtda bir neçə dairə vurulub.

Nəticədə mərhələnin qalibi Sloveniya klubu Adria Mobil-in nümayəndəsi Marko Kamp olub. İkinci yeri italyan Androni Giocattoli komandasından Françesko Çiççi olub. 3-cü yeri isə Synergy Baku klubundan azərbaycanlı velosipedçi Maksim Averin tutub.

Eləcə də digər velosipedçimiz Elçin Əsədovun qələbəsini də qeyd etmək lazımdır. Birinci mərhələdən sonra o, dağ təsnifatında liderdir.

Veloturun ikinci mərhələsi sabah baş tutacaq. İştirakçılar Bakı-İsmayıllı marşrutu üzrə 187 km yol qət edəcəklər.

Ölkə.Az