Mogerini: "Rusiyanın təcrid olunması Aİ-nin maraqlarında deyil"

Mogerinidən bəyanat.

Ölkə.Az -ın "Reuters" agentliyinə istinadən xəbər verir ki, Avropa İttifaqının xarici işlər və təhlükəsizlik siyasəti üzrə ali nümayəndəsi Federika Mogerini bəyan edib ki, Rusiyanın destabilizasiyası və təcrid olunması Avropa İttifaqının maraqlarında deyil.

O bildirib ki, sanksiyalar yalnız Minsk razılaşmalarına tam şəkildə riayət edilmədiyi üçün saxlanılır.

"Rusiyanın destabilizasiyası və təcrid edilməsi Avropa İttifaqının maraqlarında deyil, çox güman ki, Rusiya xalqının maraqlarında da deyil və mən hesab edirəm ki, bu, Rusiya rəhbərliyinin maraqlarında deyil, lakin seçim onlarındır", - deyə Mogerini Pekin Universiteti tələbələri qarşısında çıxış edərkən bəyan edib.

Rusiyaya qarşı tətbiq olunmuş sanksiyalardan danışan Mogerini bəyan edib ki, onlar Minsk razılaşması yerinə yetirilənə qədər qüvvədə qalacaq.

Rəşid Mustafazadə

Ölkə.Az