“Baku Fires” meksikalılara uduzdu

Mayın 6-da Quba Olimpiya İdman Kompleksində “Baku Fires” komandası ilə “Mexico Guerreros” klubu arasında Dünya Boks Seriyası (WSB) liqasının ilk dörddəbir final qarşılaşmasında komandamız məğlub olub.

İlk üç döyüşdə “Baku Fires”in üzvləri Rəsul Saliyev (49 kq) Jozelito Velaskes Altimiranoya (“Mexico Guerreros”), Yaraş Maqomedov (56 kq) Alfredo Çirno Sançesə, Zaur Abdullayev (64 kq) isə Raul Kuriel Qarsiyaya məğlub olublar.

Dördüncü döyüşdə təmsilçimiz Jaba Xositaşvili (75 kq) Rodrigez Olivasa qalib gəlməyi bacarıb. Görüşün son qarşılaşmasında isə “Baku Fires”in üzvü Leonid Çernobayev (91 kq) Kastillyo Torresə uduzub.

Beləliklə, ilk dörddəbir final qarşılaşmasında “Mexico Guerreros”un 4-1 hesabı ilə qələbəsi qeydə alınıb.

Bu görüşdə komandamızın boksçuları – Yaraş Maqomedov, Zaur Abdullayev və Leonid Çernobayev debüt edib.

Komandalar arasında ikinci həlledici dörddəbir final qarşılaşması mayın 7-də Quba Olimpiya İdman Kompleksində keçiriləcək.

İki görüşün nəticəsinə görə, qalib komanda yarımfinalda liqanın son çempionu “Cuba Domaderos”la üz-üzə gələcək və hər iki qarşılaşma rəqib meydanında təşkil olunacaq. (oxu.az)

Ölkə.Az