27 prezident Putinə “hə” dedi

Rusiya Prezident Administrasiyası Böyük Qələbənin 70 illiyi ilə bağlı Moskvada keçiriləcək təntənəli mərasimində iştirak edəcək qonaqların siyahısını təsdiqləyib.

Son məlumata görə, paradda 27 ölkənin dövlət başçısı iştirak edəcək. Mayın 8-dən 10-a qədər Rusiyaya Çin Xalq Respublikası prezidenti Sİ Szinpin, Venesuela prezidenti Nikolas Maduro, Hindistan dövlət başçısı Pranab Mukar Mukerdji, CAR prezidenti Ceykob Zuma, Koreya Xalq Demokratik Respublikası parlamentinin sədri Kim Yon Nam, həmçinin Kuba, Makedoniya, Kipr, Slovakiya, Zimbabve, Fələstin, Vyetnam, Misir, Bosniya və Hersoqovina liderləri səfər edəcəklər.

Rusiya prezidentinin köməkçisi Yuriy Uşakov Moskvaya, həmçinin Azərbaycan dövlət başçısı İlham Əliyev, Ermənistan prezidenti Serj Sarkisyan, qondarma Abxaziya və Cənubi Osetiya Respublikası liderləri Raul Hacimbo və Leonid Tibilovun, Qazaxıstan dövlət başçısı Nursultan Nazarbayevin, Tacikistan lideri Emomeli Rahmonun, Türkmənistan prezidenti Qurbanqulu Berdumuhammedovun, Qırğızıstan lideri Almazbek Atambayev və Belarus dövlət başçısı Aleksandr Lukaşenkonun gələcəyini vurğulayıb.

Təntənəli tədbirlərdə BMT baş katibi Pan Qİ Mun və UNESCO-nun direktoru da iştirak edəcək.

Paradda iştirak edəcək fəxri qonaq isə Uinston Çörçilin nəvəsi olacaq.

Qeyd edək ki, Moskvaya səfər etsələr də , mayın 9-u keçiriləcək Parada Belarus, Almaniya, Slovakiya və Çexiya liderləri qatılmayacaq.

Almaniya kansleri Angela Merkel isə Paraddan bir gün sonra Rusiyaya səfər edəcəyini bildirib./Qafqazinfo/

Ölkə.Az