Riqa sammiti nə vəd edir?
“Şərq Tərəfdaşlığı” Proqramının üzvü olan ölkələrin Riqa sammiti Avropa İttifaqının həmin ölkələrdə sabitliyin və sülhün möhkəmlənməsinə kömək etmək niyyətini təsdiqləmək məqsədi daşıyır.
Bunu Latviya Xarici İşlər Nazirliyinin dövlət katibi Andreys Pildeqoviçs deyib.
O, “Şərq Tərəfdaşlığı” ölkələrinin Riqa sammiti ərəfəsində Romada keçirilən “Aİ və onun qonşuları: irəliyə doğru yol” mövzusunda konfransda bildirib ki, “Şərq Tərəfdaşlığı”nın məqsədi tərəfdaş dövlətlərin təsisatlarını möhkəmləndirməklə, vətəndaş cəmiyyətinin daha geniş iştirakını və işgüzar əlaqələrin inkişafını təmin etməklə, hər bir iştirakçı ölkənin maraq və ehtiyaclarına münasib və müvafiq əməkdaşlığı inkişaf etdirməkdir.
A.Pildeqoviçsin sözlərinə görə, “Şərq Tərəfdaşlığı” ölkələrinin Riqa sammiti “Avropanın birliyi üçün aydın siqnal olacaqdır. (ans)
Ölkə.Az
