BTC kəməri ilə nəql olunan neftin həcmi azalıb

2015-ci ilin aprel ayı ərzində BTC əsas ixrac boru kəməri vasitəsilə 2 milyon 337 min 542 ton Azərbaycan nefti nəql olunub. Bu göstərici isə 2015-ci ilin mart ayı ilə müqayisə də 48 min 742 ton azdır.

Ölkə.Az SOCAR-a istinadən xəbər verir ki, cari ilin yanvar- aprel aylarında bu kəmərlə 9 milyon 559 min 744 ton neft ötürülüb.

Ümumiyyətlə, kəmər istifadəyə verilən gündən 2015-ci il may ayının 1-ə qədər BTC-yə 273 milyon 399 min 590 ton neft vurulub.

BTC kəməri ilə nəql olunan Qazaxıstan neftinin həcmi azalsa da, Türkmənistan nefti bir ay ərzində artıb:
Belə ki, 2015-ci ilin aprel ayında BTC kəməri ilə 233 min 718 ton Qazaxıstan və 350 min ton Türkmənistan nefti nəql olunub.

Ölkə.Az