Avropa Oyunlarını təbliğ edən baykerlərimiz San-Tropeyə çatdılar

Dünən Bakı 2015 Avropa Oyunlarını təbliğ etmək məqsədi ilə moto-yürüşə başlayan azərbaycanlı baykerlər artıq Grimo şəhərinin San-Trope buxtasına çatıblar.

Azərbaycanlı baykerlər komandası “Land of Fire”-nin əsas məqsədi səfər zamanı, Avropa Oyunları ilə bağlı təbliğat aparmaq və 7-10 may tarixində Grimo şəhərinin San-Trope buxtasında Avropa Motofestivalında ölkəmizi təmsil etməkdir.

Komandamız Avropa Motofestivalında Avropa Oyunları ilə bağlı təbliğat aparacaqlar, motofestival bitəndən sonra isə geriyə dönəcəklər.

Qeyd edək ki, aprelin 28-də azərbaycanlı baykerlər Bakı 2015 Avropa Oyunlarını təbliğ etmək məqsədi ilə moto-yürüşə başlayıblar.

Onlar iki qrupdan ibarət olublar. Birinci qrup Gürcüstandan keçərək Ukraynaya daxil olub, Macarıstan, Slovakiya ölkələrindən keçərək İtaliyada ikinci qrupun üzvləri ilə görüşüblər. İkinci qrup isə Gürcüstandan Türkiyəyə daxil olub, Bolqarıstan, Serbiya, Sloveniyadan keçdikdən sonra birinci qrup ilə birləşib Fransaya daxil olublar.

6 000 kilometr qət edib Fransanın San-Trope buxtasında Avropa Motofestivalına qatılan baykerlərimiz, mayın 10-dan sonra daha 6 000 kilometr yürş edib Bakıya dönəcəklər. Ümumilikdə azərbaycanlı baykerlər komandası “Land of Fire” 12 ölkənin ərazisində, 12 000 kilometr yürüş edəcəklər.oxu.az

Ölkə.Az